"Sky" bu il 1000 əməkdaşını ixtisar edəcək

Böyük Britaniyada yerləşən "Sky" media şirkəti bu il təxminən 1000 nəfəri işdən çıxarmağı planlaşdırıb.

525.az xarici mediaya istinadən xəbər verir ki, şirkətin xidmətlərinə internet üzərindən daxil olanların sayı daha çox olduğundan və evlərinə peyk antenaları quraşdırmaq istəyənlərin sayı getdikcə azaldığına görə işdən çıxarılacaq işçilərin əhəmiyyətli bir hissəsini mühəndislər təşkil edəcək. 

"Sky"ın bu il ixtisar etməyi planlaşdırdığı 1000 nəfər media şirkətinin işçi qüvvəsinin təxminən 4 faizini təşkil edir. "Sky" hazırda Böyük Britaniyada təxminən 26 000 nəfərlə işləyir.

Xəbərdə sitat gətirilən "Sky" sözçüsü bildirib ki, müştərilər getdikcə daha çox mütəxəssis quraşdırma tələb etməyən "Sky Glass" və "Sky Stream"i seçirlər və bu, şirkətin xidmətlərini təqdim etmək üçün ehtiyac duyduğu mövqelərin sayını dəyişməsinə səbəb olub.

Malik Atilay