Alimlər yeni dinozavr növü aşkar ediblər

Şimali Karolina Universitetinin paleontoloqları 99 milyon il əvvəl, Tabaşir dövründə yaşamış yeni dinozavr növünü kəşf ediblər.

525.az xarici KİV-ə istinadən xəbər verir ki, bu, onlara Yuta ştatında son 10 ildə apardıqları qazıntı işləri və araşdırmalardan sonra qismət olub. Yaxşı halda tapılan skeletləri analiz edən alimlər sözügedən növün elə də böyük ölçülərə malik olmadlqları qənaətinə gəliblər.

"Fona herzogae" adı verilən məxluqlar qoyun boyda olublar. Onların Tabaşir dövründə yaşamış digər növ dinozavrlara xas buynuzları, bellərində daraqları, boyunluğu olmayıb. Aparılan araşdırmalarda sonra "Fona herzogae"nin daha çox yerin altında - mağaralarda və özlərinin qazdıqları yuvalarda yaşadığı məlum olub. 

L.Tağıyeva