Foto çəkən turist fillərin qurbanı oldu
Cənubi Afrikanın Pilanesberq Milli Parkında heyvanların yaxından fotolarını çəkmək üçün avtomobilindən düşən ispaniyalı turist fil sürüsü tərəfindən əzilərək öldürülüb.
525.az xarici mediaya istinadən xəbər verir ki, İspaniya mətbuatı turistin Saraqosadan olan 43 yaşlı Karlos Luna olduğunu açıqlayıb.
Pilanesberg Cənubi Afrikanın dördüncü ən böyük parkı və məşhur turizm məkanıdır. O, həmçinin 7 mindən çox heyvana ev sahibliyi edir.
Polis, parkda gəzən şəxsin nəqliyyat vasitəsini saxladığını, enərək fillərə yaxınlaşaraq şəkil çəkdiyini və daha sonra sürünün hücumuna məruz qalaraq öldürüldüyünü bildirib.
Ştatın turizm idarəsi açıqlamasında bildirib ki, İspaniya vətəndaşı fillərə yaxınlaşmazdan əvvəl hadisə yerində olan iki avtomobildə olan yoldaşlarının və digər sərnişinlərin xəbərdarlığına məhəl qoymayıb.
Malik Atilay
