|
|
|
|
Azərbaycan Avropa çempionatını qızıl medalla başa vurdu
Bu gün Şimali Makedoniyanın paytaxtı Skopyedə güləş üzrə U-17 Avropa çempionatı başa çatıb.
525.az xəbər verir ki, yarışın son günündə Azərbaycan sərbəst güləşçiləri 4 medal uğrunda mübarizə aparıblar.
Səid Paşayev (92 kq) Avropa çempionu olub. Həsən Həsənov (60 kq) finalda uduzaraq gümüş medal qazanıb. Ramal Mirhüseynov (51 kq) isə bürünc medala sahib çıxıb. Ömər Usubov (45 kq) isə üçüncü yer uğrunda görüşdə məğlub olub.
Beləliklə, Azərbaycan Avropa çempionatını ümumilikdə 12 (5 qızıl, 2 gümüş, 5 bürünc) medalla başa vurub. Qızıl medalları Rihad İbrahimli (110 kq), Əbdürrəhman Hüseynli (45 kq), Rəvan Həsənzadə (48 kq), Ruslan Əlizadə (55 kq) və Səid Paşayev (92 kq) qazanıb. Əli Nəzərov (60 kq) və Həsən Həsənov (60 kq) gümüş medal əldə edib. Bürünc medallara isə Qurban Məcnunov (48 kq), Nicat Yeylaqalıyev (80 kq), Nəzrin Əhmədli (46 kq), Hakim Tağıyev (110 kq) və Ramal Mirhüseynov (51 kq) sahib olublar.
