|
|
|
|
“Qalatasaray” - “Napoli” danışıqlarında son durum
“Qalatasaray” “Napoli”nin hücumçusu Viktor Osimhenin transfer hüquqlarını almaq istəyir.
QOL.az xəbər verir ki, bu barədə jurnalist Fabritsio Romano sosial şəbəkə hesabında məlumat verib.
Türkiyə klubu artıq “Napoli”yə 50 milyon avroluq təklif göndərib, əlavə 5 milyon avro isə bonuslar şəklində nəzərdə tutulub. Lakin İtaliya çempionu bu məbləği az hesab edir və daha yüksək təklif gözləyir. Futbolçunun özü İstanbul təmsilçisində oynamaq istəsə də, hər şey klublar arasındakı danışıqların nəticəsindən asılı olacaq.
Səudiyyə Ərəbistanının “Əl-Hilal” klubu da vəziyyəti izləyir. Onlar 75 milyon avro transfer haqqı ödəməyə hazırdır. Amma futbolçunun özü ilə razılıq əldə olunmayıb.
Keçən mövsüm 26 yaşlı hücumçu “Qalatasaray”da icarə əsasında çıxış edib. O, bütün turnirlərdə 41 oyunda iştirak edib, 37 qol vurub və 8 məhsuldar ötürmə verib. Futbolçunun “Napoli” ilə mövcud müqaviləsi 2026-cı ilin yayına qədər qüvvədədir.
