|
|
|
|
Ronaldodan təəccübləndirən açıqlama
"Real"ın hücumçusu Kriştiano Ronaldo maraqlı açıqlamaları ilə diqqət çəkib.
Qol.Az-ın məlumatına görə, "Herbalife"yə danışan portuqaliyalı oyunçu uşaqlıqda peşəkar futbolçu olacağını düşünmədiyini bildirib:
"Ailəmdə hər kəs futbolu sevirdi. Bir gün küçədə futbol oynayanda, atam "niyə bir klubda çıxış etmirsən" deyə soruşdu. Həmin vaxtdan sonra məşqlərə başladım və bir klubun parçası olmaqdan zövq aldım. Atam da hər zaman yanımda idi. O zamanlar peşəkar futbolçu olacağımı düşünmürdüm. Bir gün "Sportinq", "Mançester Yunayted" və ya "Real"da oynayacağımı ağlıma da gətirməzdim".
Qeyd edək ki, Ronaldo futbolçu karyerasına 1992-ci ildə həvəskarlardan ibarət "Andorinha" klubunda başlayıb. Daha sonra "Nasional" və "Sportinq" klublarında çıxış edən Ronaldo 2003-cü ildə "Mançester Yunayted"ə transfer olunub. 30 yaşlı futbolçu 2009-cu ildən bəri karyerasını "Real"da davam etdirir.
