Mourinyo: "Vengerin əlini sıxmağa məcbur deyildim"

"Çelsi"nin baş məşqçisi Joze Mourinyo İngiltərə superkuboku matçından sonra "Arsenal"dakı həmkarı Arsen Vengerin əlini sıxmamasına münasibət bildirib.

Qol.Az-ın "Sky Sports"a istinadən verdiyi məlumata görə, portuqaliyalı mütəxəssis heç kəsin əinini sıxmağa borclu olmadığını deyib:

"Bu barədə çox danışmaq istəmirəm. Küçədə gedərkən sizdən hər kəslə salamlaşmaq və onların əlini sıxmaq tələb olunmur. Ancaq idman klublarında vəziyyət bir qədər fərqlidir. Oyundan sonra adətən baş məşqçilər bir-birinin əlini sıxırlar. Lakin mən həmin gün futbolçularım, komandamın qələbəsi və stadion haqda düşünürdüm. Bu səbəbdən Vengerə əhəmiyyət vermədim. Bununla belə, düşünürəm ki, məşqçi istəmədiyi halda həmkarının əlini sıxmağa məcbur deyil". 

Qeyd edək ki, "Arsenal" "Çelsi"ni 1:0 hesabı ilə məğlub edərək ardıcıl ikinci dəfə superkuboka sahib çıxıb.