|
|
|
|
"Qarabağ" Çempionlar Liqasında mübarizəni dayandırdı
Bu gün Çempionlar Liqasında III təsnifat mərhələsinə yekun vurulacaq.
Qol.Az-ın məlumatına görə, təmsilçimiz “Qarabağ” da “play-off” uğrunda mübarizə aparıb.
Qurban Qurbanovun komandası doğma meydanda Şotlandiyanın “Seltik” klubunu qəbul edib.
Qlazqoda keçirilən ilk oyunda rəqibinə 0:1 hesabı ilə uduzan Ağdam təmsilçisi mərhələni keçmək üçün mütləq qalib gəlməli idi. Ancaq bu matçda "Qarabağ" qolsuz bərabərə qalıb və Çempionlar Liqasında mübarizəni dayandırıb.
Qurban Qurbanovun komandası mübarizəni Avropa Liqasının "play-off" mərhələsində davam etdirəcək.
5 avqust
Çempionlar Liqasının III təsnifat mərhələsinin cavab oyunları
21:30.”Qarabağ” (Azərbaycan) – “Seltik” (Şotlandiya) - 0:0
İlk oyun - 0:1
Hakimlər: Martin Strömberqsson, Daniel Qustavsson, Stefan Hallberq (İsveç)
Bakı. Tofiq Bəhramov adına respublika stadionu
"Qarabağ": İbrahim Şehiç, Qara Qarayev, Rəşad Sadıqov (k), Riçard Almeyda, Ansi Aqolli, Dani Kintana (Cavid Tağıyev,84), Bədavi Hüseynov, Reynaldo, Alharbi Əl Jadeyaoui (Elvin Məmmədov,74) , İlqar Qurbanov, Raydell Puponu (Əfran İsmayılov, 64)
Ehtiyat oyunçular: Fərhad Vəliyev, Elvin Yunuszadə, Vüqar Mustafayev, Coşqun Diniyev
"Seltik": Qordon, İsaqirre, van Deyk, Boyata, Lustiq, Biton, Skott Braun (k), Armstronq (Forrest, 84), Makkay Stiven (Kommons, 79), Yohansan, Nadir Çiftçi (Qriffiths, 67)
Ehtiyat oyunçular: Baillu, Ambrose, Yanko,Rogic.
