|
|
|
|
"Qarabağ" Avropa komandasıdır"
"Komandamdan razı qaldım. Meydanın istənilən nöqtəsində yaxşı oynadıq. Rəqibi cəzalandıra bilərdik. Ancaq havanın isti olması və qazonun istənilən səviyyədə olmaması qol vurmağımıza imkan vermədi. Çox əsəbi oyun oldu. Lakin mərhələ adladığımız üçün çox xoşbəxtəm".
Bu sözləri "Seltik"in baş məşqçisi Ronni Deyla Çempionlar Liqasının III təsnifat mərhələsinin cavab görüşündə "Qarabağ"la 0:0 bərabərə qaldıqları oyundan sonra keçirilən mətbuat konfransında deyib.
Təcrübəli mütəxəssis "Qarabağ"ın Avropa səviyyəli komanda olduğunu bildirib:
"Ötən bir il ərzində topu özümüzdə saxlamağımızı yaxşılaşdırmışıq. Bunu "Qaraba"la oyunda da göstərdik.
"Qarabağ" yaxşı komandadır. Meydanda inamlı mübarizə getdi. Bu çıxışımızı növbəti oyunlarda da davam etdirməyə çalışacağıq".
