|
|
|
|
"Qarabağ"ın rəqibi uduzdu
İsveçrə çempionatında beşinci turun oyunları keçirilib.
Qol.Az-ın məlumatına görə, Avropa Liqasının pley-off mərhələsində "Qarabağ"ın rəqibi olan "Yanq Boyz" da növbəti matçına çıxıb.
Bern təmsilçisi öz meydanında "Luqano"nu sınağa çəkib. Ötən turda "Tun"a qalib gəlməklə çempionatda ilk qələbəsini qazanan "Yanq Boyz" bu görüşdən də 3 xalla ayrılmaq niyyətində idi. Lakin 6-cı dəqiqədə Rossininin qoluna mane ola bilməyən "Yanq Boyz" görüşdən məğlub ayrılıb - 0:1.
Qeyd edək ki, bu, "Yanq Boyz"un cari mövsüm çempionatda ilk məğlubiyyəti olub. Keçirdiyi 4 oyunun 3-də heç-heçə edib, birində qələbə qazanan komanda 6 xalla turnir cədvəlinin 4-cü pilləsində qərarlaşıb.
12 avqust
İsveçrə çempionatı, 5-ci tur
22:45. "Yanq Boyz" - "Luqano" - 0:1
Qol: Rossini, 6 (0:1)
