|
|
|
|
Modriç: "Prosineçki yaxşı komanda qurub"
"Yaxşı oynaya bilmәdik. Müәyyәn sәhvlәr etdik. Bu sәhvlәrdən nәticә çıxarmalıyıq".
Qol.Az-ın məlumatına görə, bu sözləri Xorvatiya millisinin futbolçusu Luka Modriç "Avro-2016"nın seçmə mərhələsində yığmamızla 0:0 bərabərə qaldıqları oyundan sonra deyib.
"Real"ın futbolçusu millimizin onlara qarşı yaxşı oynadığını bildirib: "Azәrbaycan millisinin әmәyini qiymәtlәndirmәk lazımdır. Onlar bizә qarşı yaxşı oynadılar. Hәr hansı futbolçunu qeyd etmәk istәmәzdim. Komanda şәklindә yaxşı çıxış etdilәr".
Ulduz futbolçu "bәlkә gücünüzü Norveçlә oyun saxlamısınız?" sualına belә cavab verib: "Yox, qәtiyyәn belә düşünmürәm. Bu oyunda qәlәbә qazanmalıydıq ki, Norveçlә görüşə daha rahat çıxaq".
Millimizin baş məşqçisi Robert Prosineçkinin Xorvatiya millisini yaxşı tanımasına münasibət bildirən Modriç deyib: "Prosineçki yaxşı komanda qurub. O, Xorvatiya millisini tanıya bilər. Amma meydanda Prosineçki yox, futbolçular oynadı".
