|
|
|
|
Rusiyada maaşını rəhbərliklə bölüşməyən futbolçunu döydülər
Rusiya futbol liqasının aşağı divizionunda çıxış edən Djerzinskin “Ximik” klubunun oyunçusu vəhşicəsinə döyülüb.
Modern.az Rusiya mətbuatına istinadən xəbər verir ki, klubun oyunçusu Viktor İvlyev 2 naməlum şəxsin hücumuna məruz qalıb. Kələ-beyin travması alan futbolçunun üz nahiyəsində çoxlu bıçaq izləri də var.
Rusiyalı jurnalistlərin ələd etdiyi məlumata görə, hadisədən bir qədər əvvəl “Ximik” klubunun rəhbərliyi 22 yaşlı futbolçudan aralarındakı müqaviləni pozmağı, daha sonra isə aldığı aylıq maaşın yarısını onlara verməyi tələb edib.
Futbolçunun vəkili Anton Smirnov “Ximik” klubunda uzun müddətdir cinayətkar sxemin mövcud olduğunu deyir. Belə ki, oyunçuların əksəriyyəti aldıqları əmək haqlarınının bir hissəsini sonradan klub rəhbərliyinə geri qaytarırlar.
Hüquq-mühafizə orqanları faktla bağlı cinayət işi açıblar.
