“Bir sıra səfirlər Gürcüstanın daxili işlərinə qarışır” - Şalva Papuaşvili

“Avropa İttifaqı (Aİ) ölkələrinin bir sıra səfirləri Gürcüstanın daxili işlərinə qarışır və ikili standartlarla hərəkət edirlər”.

525.az “İnterfaks”a istinadən xəbər verir ki, bunu Gürcüstan parlamentinin spikeri Şalva Papuaşvili deyib.

O qeyd edib ki, Aİ illik bülletenlər buraxır və namizəd ölkələrin tərəqqisini qiymətləndirir. 2024-cü ilin oktyabrında dərc edilmiş sənəddə isə Gürcüstanın nailiyyətləri ümumilikdə müsbət qiymətləndirilib.

“Bir tərəfdən Gürcüstan iqtisadi göstəricilərinə görə bütün namizəd ölkələri qabaqlayır. Digər tərəfdən isə Gürcüstanın radikal müxalifəti və qeyri-hökumət təşkilatları Aİ-yə hesabat verən müxtəlif Avropa fondlarının köməyi ilə maliyyələşir”, - deyə Papuaşvili bildirib.

Spiker əlavə edib ki, müxalifətin məqsədi ölkə iqtisadiyyatını sarsıtmaqdır.

İbrahim Cəfərov