|
|
|
|
"Messisiz "Barselona" iddiasız komanda olar"
"Bavariya"nın fəxri prezidenti Frans Bekkenbauer Çempionlar Liqasının yarımfinalında uduzduqları "Barselona" haqda maraqlı fikirlər səsləndirib.
Qol.Az-ın xarici KİV-lərə istinadən verdiyi məlumata görə, Bekkenbauer Messisiz "Barselona"nın iddiasız komandaya çevriləcəyini bildirib:
"Messisiz "Barselona" iddiasız komanda olar. Çünki o, hazırda ən yaxşı futbolçusudur. Ancaq dünya futbol tarixinin ən yaxşısı hələ də Peledir".
Daha öncə "Bavariya"nın baş məşqçisi Pep Qvardiolanın oyun fəlsəfəsini tənqid edən Bekkenbauer fikrini dəyişib. O, Qvardiolanın uzun illər Münhen təmsilçisində qalmasını istəyir:
"Bəli, ötən il oyunçuların çox paslaşması mənim üçün darıxdırıcı gəlirdi. Ancaq Qvardiola öz oyun fəlsəfəsi ilə komandanın fəlsəfəsi arasında balans yaratmağı bacardı. O, uzun illər "Bavariya"da qalsa, dünyanın ən xoşbəxt insanı olaram".
