|
|
|
|
15 yaşlı azərbaycanlı beynəlxalq yarışlarda növbəti qələbəsini qazandı
Çexiyanın Kikboksinq yığma komandasının üzvü, 15 yaşlı azərbaycanlı El Cəfər beynəlxalq yarışlarda növbəti qələbəsini qazanıb.
Diasporla İş üzrə Dövlət Komitəsindən verilən məlumata görə, o, 2014-cü ildə Dünya Kikboksinq Federasiyasının Çexiyada keçirilən yarışının gümüş mükafatçısı, mavi kəmər sahibidir.
E.Cəfər 2016-cı ildə Almaniyanın Ştutqart şəhərində keçirilən çempionatın qızıl mükafatçısı olub. Gənc idmançı 2017-ci ildə Dünya Kikboksinq Təşkilatları Birliyinin və Beynəlxalq Həvəskar Kikboksinq Assosiasiyasının gümüş mükafatçısı adına layiq görülüb. Həmyerlimiz bu il iyunun 9-da Dünya Kikbonsinq Təşkilatları Assosiasiyasının təşkilatçılığı ilə Çexiyada keçirilən çempionatda 47 kq-a qədər çəki dərəcəsində 2 kateqoriya üzrə gümüş və bürünc medal qazanıb.
Qeyd edək ki, qısa vaxta böyük uğurlar qazanan E.Cəfər Çexiyada azərbaycanlı diaspor fəalı, şairə, dramaturq, Azərbaycan mədəniyyətini xaricdə tanıdan "Natəvan" klubunun sədri Leyla Bəyim Cəfərovanın övladıdır.
C.ABASOV
