Ölkədə istifadə olunan ən köhnə avtomobillər

Azərbaycanda hazırda istifadə olunan köhnə avtomobillər bəlli olub.

Lent.az-ın “fins.az”-a istinadən verdiyi məlumata görə, indiyədək icbari sığorta edilmiş 892 528 avtomobildən yalnız 2 696-sı və ya 3%-i yeni, yəni 2014-cü ilin buraxılışı olan maşınlardır.

Digər avtomobillərə gəlincə, qeydiyyatda olan avtomobillərin 16%-i və yaxud 147 mini yaşı 4-ə qədər olanlar, 25%-i və yaxud 227 mini 4-10 yaşlılardır. Başqa sözlə, ölkədəki avtomobillərin yalnız 44%-i 10 ilədək yaşı olanlardır.  Avtomobili

36%-i və yaxud 322 mini 10-20 yaşlılar, 14%-i və yaxud 125 mini 20-30 yaşlılar, 8%-i və yaxud 71 mini isə istehsal tarixi 30 ildən çox olanlardır.

Köhnə maşınlar arasında yaşı 65-75 il olan avtomobillər də var. Məsələn, sürülən maşınların ən yaşlısı 1939-cu ilin buraxılışı olan “Horch 853A” avtomobilidir. Bundan başqa, siyahıda 1940-cı ilin “PACKARD”ı, 1941-ci ilin “Willys MB”-si, 1947-ci ilin “BMW 321”-i, 1949-cu ilin “PLYMOUTH”, “CADİLLAC SERİES-62”, “OPEL KAPİTAN”, “QAZ–M-20 POBEDA” və “Moskvitch M-400”-ü , eləcə də 1950-ci ildə buraxılmış “MOSKVITCH-20” var.

№	Avtomobinin markası	Avtomobilin modeli	İstehsal ili
1	Horch	853A	1939
2	PACKARD		1940
3	Willys MB		1941
4	BMW	321	1947
5	PLYMOUTH		1949
6	CADİLLAC	SERİES-62	1949
7	OPEL	KAPİTAN	1949
8	QAZ–M-20	POBEDA	1949
9	Moskvitch	M-400	1949
10	MOSKVITCH	20	1950