|
|
|
|
ABŞ-də atışma nəticəsində yaralananların sayı 21-ə yüksəlib
ABŞ-nin Missuri ştatının Kanzas şəhərində Super Bowl kimi tanınan Amerika futbol çempionatının şənliyi zamanı baş verən atışma nəticəsində yaralananların sayı 21-ə yüksəlib.
525.az xəbər verir ki, səlahiyyətlilər şənlik üçün şəhər meydanına toplaşan on minlərlə insanın ayrıldığı zaman gerçəkləşən və bir nəfərin ölümü ilə nəticələnən hücumda yaralıların sayının 21-ə yüksəldiyini açıqlayıb.
Yanğınsöndürmə rəisi Ros Qrundyson mətbuat konfransında sözügedən hadisədə 22 nəfərin güllə yarası aldığını, onlardan 1-nin öldüyünü, 21-nin isə yaralandığını bildirib. Səhiyyə rəsmiləri isə hadisə zamanı xəstəxanaya yerləşdirilən 11 uşaqdan 9-nun güllə yarası aldığı barədə məlumatı paylaşıb.
Qeyd edək ki, məsələ ilə bağlı məlumatlandırılan ABŞ prezidenti Co Bayden silahlı hücumla bağlı daha çox məlumat əldə etməyə çalışdıqlarını bildirib.
Məhəmməd Tağıyev
