|
|
|
|
ABŞ-ın Ukraynaya raket tədarükü siyasətində heç bir dəyişikliyi yoxdur - Pentaqon
ABŞ-ın Müdafiə Nazirliyinin Ukraynaya raket tədarükü ilə bağlı siyasətində heç bir dəyişiklik yoxdur.
525.az xəbər verir ki, bu barədə Pentaqonun rəsmi nümayəndəsi bildirib.
ABŞ-ın Kiyevə JASSM uzaqmənzilli qanadlı raketlərin təhvil verilməsi ilə bağlı razılaşmaya yaxın olduğu iddiası ilə bağlı KİV-də yayılan xəbərləri şərh edən rəsmi deyib: “Mən bu siyasətin dəyişdiyinə işarə edəcək heç nə görmürəm”.
Bundan əvvəl “Reuters” ABŞ-ın Ukraynaya AGM-158 JASSM raketlərinin təhvil verilməsi ilə bağlı razılaşmaya yaxın olduğunu yazıb. Agentlik qeyd edib ki, bu məhsulların Ukrayna Hərbi Hava Qüvvələrinə çatdırılması bir neçə aydan sonra başlaya bilər, çünki bu, Pentaqonun bütün zəruri prosedur və texniki məsələləri həll etməli olduğu dövrdür. JASSM raketlərinin Kiyev üçün silah paketinə daxil edilməsinin bu ilin payızında elan ediləcəyi gözlənilir. Bununla belə, agentlik mənbələri yekun qərarın hələ verilmədiyini qeyd edib.
Pərvanə Sultanova
