|
|
|
|
Arda Güler üzr istədi
Türkiyə millisinin və "Real"ın futbolçusu Arda Güler ötən gecə Millətlər Liqasının 6-cı turunda Monteneqroya uduzduqları matç (1:3) haqqında danışıb.
Bu məğlubiyyətlə Türkiyə millisi B Liqasının 4-cü qrupunda 11 xalla 2-ci yeri tutub. Nəticədə komanda A Liqasına birbaşa vəsiqəni əldən verib. Türkiyə millisi gələn ilin mart ayında A Liqasına yüksəlmək üçün pley-off oyunu keçirəcək.
Arda Güler isə belə bir şansı dəyərləndirə bilmədikləri üçün Türkiyə xalqında üzr istəyib. 19 yaşlı yarımmüdafiəçi söyləyib:
"Deyə biləcəyim bir şey yoxdur. Komanda olaraq xalqımızdan üzr istəyirik. Mart ayında pley-off oynayıb A Liqasına yüksəlməyə çalışacağıq. Hakan Çalhanoğlu meydanda olsaydı, daha fərqli oynaya bilərdik. Bu gün alınmadı. Xalqımızdan üzr istəyirik".
Qeyd edək ki, B Liqasının 4-cü qrupundan lider kimi A Liqasına birbaşa vəsiqə qazanan komanda Uels olub (12 xal). (QOL.az)
