|
|
|
|
NATO Trampa alyansın Arktikada mövcudluğunu genişləndirməyi təklif edəcək
NATO nümayəndələri ABŞ Prezidenti Donald Trampa Qrenlandiyanın Birləşmiş Ştatlara birləşdirilməsi barədə bəyanatları fonunda alyansın Arktikada hərbi mövcudluğunu əhəmiyyətli dərəcədə genişləndirməyi təklif etmək niyyətindədirlər.
525.az “Report” a istinadən xəbər verir ki, bu barədə DPA agentliyi alyansdakı mənbələrə istinadən məlumat yayıb.
Məlumata görə, hazırda bu təşəbbüs təşkilat daxilində qeyri-rəsmi danışıqlar çərçivəsində müzakirə olunur. Təşəbbüskarlar bu yolla Trampın Qrenlandiya ilə bağlı müzakirəsinin səbəb olduğu gərginliyi azaltmağa ümid edirlər. Mənbələrin fikrincə, alyansın Arktikada mövcudluğunun genişləndirilməsi, o cümlədən birbaşa amerikalıların göndərilməsi hesabına ABŞ-nin regionda təhlükəsizlik sahəsində maraqlarını müdafiə etmək mümkün olacaq.
Mənbələr qeyd edirlər ki, bu təklifin taleyi Trampın regionda Amerikanın təhlükəsizlik maraqlarına həqiqətən önəm verib-verməməsindən asılıdır. Əgər xammal yataqları da ABŞ-nin yeni prezidenti üçün əhəmiyyət kəsb edirsə, təşəbbüs uğursuzluğa məhkum ola bilər.
