|
|
|
|
Yaponiyada iki qar uçqunu nəticəsində 100-dən çox insan oteldə qalıb
Yaponiyanın şimal-şərqində, Fukusimada iki qar uçqunu nəticəsində 100-dən çox insan isti bulaq otellərində sıxışıb qalıb.
525.az xarici KİV-ə istinadən xəbər verir ki, rəsmi Kyodo agentliyinin məlumatına görə, güclü qar Tsuçiyu İsti Bulağının yerləşdiyi şəhərə təsir edib.
Yerli vaxtla səhər saat 04:00 və 11:00 radələrində baş verən iki qar uçqunu nəticəsində qəsəbədəki iki oteldə 100-dən çox adam sıxışıb. İki qar uçqunundan sonra qəsəbədə qarın hündürlüyü 1,5 metrə qədər artıb və spa otellərinə çıxışı təmin edən yollar bağlanıb.
Yerli hakimiyyət orqanları bağlı yolları təmizləmək üçün intensiv qar təmizləmə işlərini davam etdirir.
Bu arada, qartəmizləyən maşın relsdən çıxdıqdan sonra Yamaqata qatar xəttində xidmətlər müvəqqəti olaraq dayandırılıb.
NHK ictimai yayımı ölkənin şimal-şərq bölgələrində, o cümlədən Fukusima şəhərində güclü qarın ötən həftədən bəri davam etdiyini bildirib.
Malik Atilay
