"Monako"nun futbolçusu Andrea Raggi Avropa Liqasının qrup mərhələsinin üçüncü turunda "Qarabağ"a 1:0 hesabı ilə qalib gəldikləri matçdan sonra fikirlərini bildirib.
Qol.Az-ın xarici KİV-lərə istinadən yaydığı xəbərə görə, o, bu mövsüm Avropa Liqasında böyük rəqabətin olduğunu deyib:
"Bu, çox önəmli yarışmadır. Zarafat etmirəm, bu mövsüm Avroliqada nə isə edə bilərik. Bunun üçün hər oyunda qalib gəlməliyik. “Qarabağ”a Bakıda da qalib gəlsək, növbəti mərhələyə yüksələ bilərik".
Qeyd edək ki, "Monako" Avropa Liqasının 4-cü turunda səfərdə "Qarabağ"la qarşılaşacaq.